Yabura 74:1-10

¹Asafi xa lɔnni bɛɛti Ala, munfe ra i muxu rabɛɲinxi kerenyi ra? Munfe ra i xa xɔnɛ turuma i xa ɲama xili ma i naxan nabalofe?

²I xa ratu i xa ɲama ma i naxan xun saraxi, i kɛ fima naxan ma, i sabatixi naxan ya ma Siyon geya ma.

³I xa a yire mato a yaxuie naxan kanaxi, i xa i xa hɔrɔmɔbanxi to e naxan kasaraxi.

⁴I yaxuie bara e xui ite i xa naralan banxi kui, e bara e xa fɛlɛkie rate naa.

⁵E nu luxi alɔ beera kanyi naxee fɔtɔnyi sɛgɛma.

⁶E bara hɔrɔmɔlingira xunmasee kana beera nun dɛrɛmae ra,

⁷e naa gan tɛ ra. E bara na yire mabere i xili sabatixi dɛnnaxɛ.

⁸E nu a falama nɛ e bɔɲɛ ma, «Won xa e sɔntɔ!» E bara Ala xa batudee birin gan.

⁹I xa kaabanakoe mu toma, namiɲɔnmɛe fan mu na muxu ya ma kɔrɛ. Muxu mu a kolon yi fe buma han tɛmui mundun.

¹⁰Ee Ala, yaxui mayele tima han tɛmui mundun? Danyi mu na e xa konbie ma?