YÃGƆ̃GƆ̃RINƆ 2:5-13

⁵Akũ ò tↄ́ kpà gu pìinɛ Bokimu, akũ ò sa ò Dikiria gwe.

⁶Yↄsua gbɛ̃nↄ gbarɛna gbɛra baadi gɛ̀ɛ à gu kũ ò kpàa túbi ũ kũ̀.

⁷Ò dò Dikirii Yↄsua gↄrↄa pínki kũ gbɛ̃ zↄ̃kↄ̃ kũ ò kun a gbɛranↄ gↄrↄo dↄ. Gbɛ̃ zↄ̃kↄ̃ↄ pìnↄ wɛ́ sì yã zↄ̃kↄ̃ kũ Dikiri kɛ̀ Isarailanↄnɛlɛ pínki.

⁸Kũ Dikiri zↄ̀bleri Nuni nɛ́ Yↄsua kɛ̀ wɛ̃̀ basↄↄro akuri, akũ à gà.

⁹Ò a vĩ̀ gu kũ à de a túbi ũ gũn zaa Timina Ɛrɛsi, Ɛflaimunↄ gukpiden, Gaasi kpi gugbãnduru kpa.

¹⁰Kũ Yↄsua gↄrↄ gbɛ̃nↄ gàga ń pínki, nɛ́ kũ ò fùtɛ ń gbɛranↄ Dikiri dↄ̃ro, akũsↄ̃ ò yã kũ à kɛ̀ ń dizinↄnɛ dↄ̃ro.

¹¹Akũ ò yã kũ à vãni Dikirinɛɛ kɛ̀ ò dò tãnanↄi.

¹²Ò pã kpà Dikiri ń dizinↄ Luda kũ à ń bↄ́tɛ Misilai, ò tɛ̀ buri kũ ò likańyĩnↄ tãnanↄi ò donyĩ kɛ̀ńnɛ, akũ ò Dikiri pↄ fɛ̃̀.

¹³Ò pã kpài ò dò Baalii kũ Asatorɛo.