Womusu 79:4-11

⁴Be bɑ kɑ sun sikerenɛ bɑ sun wɔmmɔ. Bɛsɛn berusebu bɑ sun yɑɑkoru mɔ̀.

⁵Yinni Gusunɔ, sere sɑɑ yerɑ̀ wunɛn mɔru ko n seewɑ. Sere sɑɑ yerɑ̀ kɑɑ n nisinu seewɑ nɡe dɔ̃ɔ.

⁶A de wunɛn mɔru yu wɔri bwese ni nu ǹ nun yɛ̃ kɑ ni nu ǹ nun sɑ̃ɑmɔ sɔɔ.

⁷Domi bɑ Isirelibɑ ɡo, mɑ ben tem mu kuɑ bɑnsu.

⁸A ku sun bɛsɛn sikɑdobɑn durum sɔbi. Adɑmɑ wunɛn kĩrun sɔ̃, ɑ sun wɔnwɔndu kuo. Domi sɑ kuɑ wɔnwɔndobu.

⁹Gusunɔ bɛsɛn fɑɑbɑ kowo, ɑ sun somiɔ kpɑ wunɛn yĩsiru tu bɛɛrɛ wɑ. A sun wɔro kpɑ ɑ sun bɛsɛn durum wɔkɑ.

¹⁰Mbɑn sɔ̃nɑ kɑɑ de bwesenu nu n mɔ̀, mɑnɑ bɛsɛn Yinni u wɑ̃ɑ. A be bɑ wunɛn tɔmbun yɛm yɑri mɔru kɔsieyo bwesenun suunu sɔɔ bɛsɛn wuswɑɑɔ.

¹¹Yinni Gusunɔ, ɑ dɛsobun weeweenu nɔɔwɔ, kpɑ ɑ be bɑ kɑ dɔɔ bu ɡo fɑɑbɑ ko kɑ wunɛn dɑm.