Womusu 49:10-17

¹⁰n ǹ mɑɑ koorɔ bɑ n wɑ̃ɑ sere kɑ bɑɑdommɑɔ. Bɑ ǹ kpɛ̃ bu ɡɔɔ yinɑ.

¹¹Domi sɑ wɑɑmɔ mɑ bwisiɡibu kɑ ɡɑri bɑkɑsu kpurowɑ bɑ ɡbimɔ. Mɑ bɑ ben dukiɑ derimɔ ɡɑbu bu ɡurɑ.

¹²Mɛyɑ be bɑ yĩsiru yɑrɑ bɑ rɑ n bwisikɑ mɑ ben yɛnusu ko n wɑ̃ɑwɑ sere kɑ bɑɑdommɑɔ. Ben wɑ̃ɑ yenu kun mɑɑ kɑm mɔ̀.

¹³Adɑmɑ tɔnu wi u bɛɛrɛ mɔ u ku rɑ tɛ. U sɑ̃ɑwɑ nɡe yɛɛ yi bɑ rɑ sɑkiri.

¹⁴Nɡe mɛyɑ ben ɑre sɑ̃ɑ, be kɑ be bɑ bu swĩi bɑ ben ɡɑri swɑɑ dɑki.

¹⁵Bɑ rɑ bu surewɑ ɡɔriɔ nɡe yɑ̃ɑ ɡɔ̃ɔ ɡe bɑ sure wɔru sɔɔ, kpɑ ɡɔɔ u bu di. N sosi, tɔn dɛɛrobɑ koo bu tɑɑku, kpɑ ben bɛɛrɛ yu kpe, kpɑ ɡɔribun wɑ̃ɑ yeru tu ko ben yɛnu.

¹⁶Adɑmɑ Gusunɔ u koo nɛn hunde wɔrɑ sɑɑ ɡɔribun wɑ̃ɑ yerun di. Domi u koo mɑn kɔ̃su.

¹⁷Yen sɔ̃, ɑ ku nɑndɑ tɔnu ù n dukiɑ ɡurɑmɔ, mɑ win yɛnun ɑrumɑni yɑ sosimɔ.