Salmo 49:10-17

¹⁰Su netuenan en te langun he minsan is uluwanen he etew ne ebpematey, iring din daan sikan is menge tulebung wey menge taleng. Ne emun ebpematey zan en igketaǥak dan dà is menge ketiǥeyunan dan diyà te zuma.

¹¹Is menge leveng dan iyan en baley zan te wazà pidtemanan. Ne zutun sikandan ebpekeubpà te taman te taman, minsan pa ke zuen dan tanà hein uuyag dan pa.

¹²Minsan ke sepian is etew ne ebpatey ǥihapun iring te uyaǥen etawa leew.

¹³Iyan heini egkepeveyaan te menge etew he edsarig te keugelingen dan wey sikan is ebpekeuyun te egkeǥiyen dan.

¹⁴Netendek en is kebpatey zan iring te menge kerehidu. Ne is kemetayen iyan egiya kandan pehendiyà te penlevengà, iring te ed-elima he iyan egiya te menge kerehidu. Emun egkepawà, egkeveyveyaan sikandan duen te menge etew he midtinazeng. Egkengeredak is nemematey. Iyan en egkehimu he ubpeey zan, is leveng.

¹⁵Piru siak mulà, edlibriyen a te Megbevayà te ǥehem te kemetayen, su egkuwaan e zin.

¹⁶Kenè ka mesina ke edsepian is duma, wey emun egkeumanan pa is ketiǥeyunan te pemilya zan.

¹⁷Su kenè dan heeyan egkeuwit emun ebpatey zan en; is ketiǥeyunan dan kenè dan egkeuwit diyà te leveng.