Womusu 22:23-28

²³Kon nɛɡibu kpuro wunɛn ɡɑri sɔ̃. Kon nun siɑrɑ mi bɑ mɛnnɛ.

²⁴Yɑkɔbun bweseru, bɛɛ be i Yinni Gusunɔ nɑsie, i nùn siɑro. Bɛɛ Isirelibɑ, Yɑkɔbun bweseru, i nùn tɔmɔ. Bɛɛ Isirelibɑ, i nùn sɑ̃ɑwɔ.

²⁵Domi u ku rɑ nɔni swɑ̃ɑruɡiin wɑhɑlɑ yɑɑkoru ko. U ku rɑ mɑɑ ye ɑtɑfiiru ko. U ku rɑ nùn biru kisi. U rɑ win sokuru wurewɑ.

²⁶Kon nun siɑrɑ sɑnɑm mɛ be bɑ nun nɑsie bɑ mɛnnɛ. Kon nɛn nɔɔ mwɛɛnu yibiɑ ben bɑɑwuren wuswɑɑɔ.

²⁷Sɑ̃ɑrobu bɑ koo di bu debu. Be bɑ Yinni Gusunɔ kɑsu, berɑ bɑ koo nùn siɑrɑ. Kpɑ ben hunde yu dɑkɑɑ dɑ.

²⁸Hɑnduniɑn ɡoonu nnɛn tɔmbu bɑ koo Yinni Gusunɔ yɑɑyɑ kpɑ bu ɡɔsirɑmɑ win mi. Bwesenu kpuro nu koo yiirɑ win wuswɑɑɔ.