Sabóor 22:23-28

²³Ma siiwali saw tur ci bokk yi, màggale la digg mbooloo mi.

²⁴Yeen ñi ragal Aji Sax ji, santleen ko. Yeen askanu Yanqóoba wépp, màggal-leen ko. Yeen bànni Israyil gépp, wormaal-leen ko.

²⁵Moom de sàgganewul boroom tiis, làqu ko kanamam, ba mu wootee, wuyu na ko.

²⁶Yaw laay sante ndaje mu mag, sottalal la samay dige, ñi la ragal seede.

²⁷Ku woyof a cay lekk ba doyal, kuy wut Aji Sax ji, sant ko. «Guddleena gudd fan!»

²⁸Àddina wërngal këpp ay fàttliku, walbatiku ci Aji Sax ji. Làngi xeet yépp sukkalsi ko.