6Ù n yɑrɑ u rɑ n sɑ̃ɑwɑ nɡe kurɔ kpɑon durɔ. Ù n sĩimɔ u rɑ n sɑ̃ɑwɑ nɡe tɑbu durɔ.
7U rɑ yɑriwɑ wɔllun bee tiɑ, kpɑ u du berɑ ɡiɔ. Ù n sĩimɔ, ɡɑ̃ɑnu sɑri ni nu koo win yɑm susuru suuri.
8Yinni Gusunɔn ɡɑri yi yibɑ. Yi rɑ tɔnu wɑ̃ɑru kɑ dɑm wɛ̃. Yinni Gusunɔn nɔɔn ɡɑri yi nɑɑnɛ mɔ. Yi rɑ yɛ̃ru sɑriruɡii bwisi kɛ̃.
9Yinni Gusunɔn ɡere yɑ dɛnde. Yɑ rɑ tɔnu nuku dobu wɛ̃. Yinni Gusunɔn sɔ̃ɔsiru tɑ dɛɛre. Tɑ rɑ tɔnu yɑm wɑɑsie.
10Yinni Gusunɔn sɑ̃ɑru tɑ sɑ̃ɑ ɡem. Tɑ ko n wɑ̃ɑwɑ sere kɑ bɑɑdommɑɔ. Ye Yinni Gusunɔ u yi, yɑ sɑ̃ɑwɑ dee dee, yɑ rɑ tɔmbu kpuro siriwɑ.