SALMOS 19:6-10

⁶Ẕžojen cheḻa'ale gan ẕḻan', na' ẕžinen cheḻa'ale gan ženen. Ẕcha'an yógo'te da' zej den.

⁷Dot ḻi ḻaže' nak da' žsedle X̱anžo Dios, na' ẕzoa chochen be' da' nakkzžo. Ḻi ḻaže' nak da' bchi'le X̱anžon' žo'o. Ẕneẕjwn yeḻa' žejní'il chegak benne' ka' bi zej napen'.

⁸Da' likze nak da' wnná X̱anžon', na' žebéḻe'egekle benne' ka' žóngake' kan ẕnnan. Ḻi ḻaže' nak da' ẕzejní'il X̱anžon' žo'o, dan' ẕzoan žo'o ḻo yeḻa' baní'.

⁹Nak chawe' ẕžébežo X̱anžon', dan' gonen ga soažo nbanžo to chi'ize. Da' likze nak kan ẕchi'a ḻaže' X̱anžon' žo'o, na' naken chawe'.

¹⁰Naken da' ẕdan ḻáže'žežo ka ya oro, na' ka ya oro ẕente dan' záka'ḻe'en. Nakžen ẕix̱ ka bžina' che bez, dan' nakḻe'en ẕix̱.