Womusu 19:4-9

⁴Adɑmɑ n ǹ kɑ nɔɔ ɡɑɡu, n ǹ kɑ ɡɑri ɡɛɛ, n ǹ kɑ bɑrum ɡɑm.

⁵Kɑ mɛ, bɑ yiiko yen seedɑ nɔɔmɔ hɑnduniɑ kpuro sɔɔ. Bɑ ye mɛɛrɑ hɑnduniɑn ɡoonu nnɛ sɔɔ. A sɔ̃ɔ mɛɛrio. Wɔllu miyɑ Gusunɔ u nùn wɑ̃ɑ yeru kuɑ.

⁶Ù n yɑrɑ u rɑ n sɑ̃ɑwɑ nɡe kurɔ kpɑon durɔ. Ù n sĩimɔ u rɑ n sɑ̃ɑwɑ nɡe tɑbu durɔ.

⁷U rɑ yɑriwɑ wɔllun bee tiɑ, kpɑ u du berɑ ɡiɔ. Ù n sĩimɔ, ɡɑ̃ɑnu sɑri ni nu koo win yɑm susuru suuri.

⁸Yinni Gusunɔn ɡɑri yi yibɑ. Yi rɑ tɔnu wɑ̃ɑru kɑ dɑm wɛ̃. Yinni Gusunɔn nɔɔn ɡɑri yi nɑɑnɛ mɔ. Yi rɑ yɛ̃ru sɑriruɡii bwisi kɛ̃.

⁹Yinni Gusunɔn ɡere yɑ dɛnde. Yɑ rɑ tɔnu nuku dobu wɛ̃. Yinni Gusunɔn sɔ̃ɔsiru tɑ dɛɛre. Tɑ rɑ tɔnu yɑm wɑɑsie.