Wiawia 22:6-17

⁶A ni ai koko wei korendor Damaskus, nin sauas, marain eu kodido sang nanlang, sare ia da.

⁷Ngai ari pupedi nani pwel o rongada ngil eu, me masani ong ia: Saul, Saul, da me koe kame kin ia?

⁸Ngai ari potoan ong: Is komui Maing? A kotin masani ong ia: Ngai Iesus en Nasaret, me koe kin kame.

⁹A me iang ia udialer marain o, ap masapwekadar, a re sota rong kapit en me masan dong ia.

¹⁰Ngai potoan ong: Da me i en wiada Maing? Kaun o ap kotin masani ong ia: Paurida u kowei ong Damaskus, nan a pan kapare ong uk wasa o, me kaonop ong uk er, en wiada.

¹¹A i solar kak kilang wasa, aki lingan en marain o, i ap daululang Damaskus; me iang ia kalua kin ia pa i.

¹²Ananias, ol lelapok amen duen kapung o, me kalok mau sili ren Sus akan karos, me kauson wasa o,

¹³Ap ko dong ia kasikasinen imp ai indai ong ia: Ri ai Saulus, kilangada wasa! Ari, ni auer ota i saradang i.

¹⁴I ari katitiki: Kot en sam atail akan, me pil uk adar, pwe koe en lolekongki a kupur, o udial me Pung o, o rong kapit en silang i.

¹⁵Pwe koe pan sapwilim a saunkadede ong aramas karos, duen me koe kilangadar o rongadar.

¹⁶Ari, da me koe auiaui? Paurida o paptaisela, pwe dip om akan en widen sang, o sakarkidang mar a.

¹⁷A kadekadeo i lao pwara dong Ierusalem o kapakap nan im en kaudok o, i ap wukilar.