Aposel 22:6-17

⁶“Ra a wan milau nanan o Damaskus, una labino suan, a labino talapor tagisapat una langit i wanpat kisin ma i sisio talilis pas iau.

⁷Ma a puku pirso una piso, ra a longoro in nalngan ara i watungi tang lena, ‘Sol, Sol, sur asau ra u ser ban laulau iau?’

⁸Ma a tingi lena, ‘Labino, osi ui?’ Ma i balu iau lena, ‘Iau o Iesu, a te Nasaret, ra u ser ban laulau iau.’

⁹Ra a taro ra met wan tomo, det tama a talapor, ikut ka det longoro in nalngan ara ra i wasiso torom iau.

¹⁰Ma a tingi lena, ‘Labino, asau ra an pami?’ Ra a Labino i balu iau lena, ‘Un katutur ma un nan utiro una tamon Damaskus, ra din inanos ui nama sau ra un pami.’

¹¹Det ra met wan tomo, det pam benben tar iau mukut utiro o Damaskus, uni a dekdekin a talapor i upulu iau.

¹²“Ara musano, a risano o Ananias, i ara lingmulus na tene lotu ra i ser mur a kum Warkurai anun o Moses, ma a taro Juda rop ra det kis tiro iai, det ser ru i. I wanpat torom iau,

¹³ra i tur milau iau, ma i watungi tang lena, ‘Sol, a tising, un tamtama melet.’ Ra una du bung ut ra, arin matang i tamtama melet ra a tama o Ananias.

¹⁴Ra o Ananias i watungi tang lena, ‘O God anun anundat a kabotaro tagun numugu i sa pilok tar ui, sur un tasman anun a nemnem, ma un tama a Tene Tokodos, ma un longoro anun a wasiso.

¹⁵Ma ui, un ser wasiso puaso torom a taro rop un asau ra u sa tama tari, ma u sa longoro tari kai.

¹⁶Ra sau mo ra u kis pasi? Un tur, ma din baptaiso ui, ma una risano, un wararing sur din unus ru anum a kum sakino petutna.’

¹⁷“Ra a milet melet usapat o Jerusalem, ma a wararing una rumu na etabor, a tama a Labino una tamtama, ra i watungi torom iau lena, ‘Un tur ma un nan lakit taginin o Jerusalem, uni ka det in longoro a wasiso puaso anumi un iau.’