Paisowa 22:6-17

⁶Edaꞌeda yai E laulau ee–, begana haba lahai laꞌi, mate Damaseko E hanahanaui, yo fede, mala namanamalina galewa yai ya sina fataꞌiꞌiligu.

⁷E beꞌu lidi tanohi yai, na alina ya libama lisigu E atahi iyen, “Saulo, Saulo! Paꞌana somo wa fakamkamnagu?”

⁸Alinana E bui yawa, “Guyau, um sai?” Na ya libama iyen, “Yau Yesu, Nasaleta dogana, logegu, wa fakamkamnagu.”

⁹Afa haidagu mala sa ita na doga ya libalibama hige ti atahi lobahi.

¹⁰E fatiꞌo yawa, “Guyau, somo haba E ginauli?” Na iyen, “U mwaito na u lau Damaseko. Ainiya somo bena wa ginaulidi haba sa falibam.”

¹¹Mala namanamalina matagu ya an, be sa tou, yo fede afa haidagu sa abi nimaigu be sa foya lawegu Damaseko.

¹²Taumoho hesa amainiya ya miyamiya hesana Ananiya ya laoma lebegu. In Yaubada ena laugagayo ya famuli watan komakomaniꞌidi be Diusi mahudoꞌidi amainiya sa fafaꞌatitiyen.

¹³Ya laoma lisigu be sadaigu yai ya obiyo na iyen, “Hidagu Saulo, matam ti loholoho fuyo!” Yo fede, matagu sa loholoho be gonowana E ita.

¹⁴Ananiya iyen, “Afa wahawahada edi Yaubada haꞌa ya fasinabom, bena haba ena fanufanuha wa sibai, Tau Laulau Dudulai Dogana haba wa ita, yo alinana wa atahi.

¹⁵Somo wa ita yo wa atahiyen haba wasana wa fatadada dodoga mahudoꞌidi ai lebedi.

¹⁶Somo wa bagibagiyen? U obiyo, be ti fababasitom! Guyau hesana yai u anꞌeta be em heyaheyaya i kaisudi!”

¹⁷Fuyanna E fuyo Yelusalem, Dubu Tabuna dobidobina yai E laulauꞌuꞌula na tautau E ita.