Uluka 24:13-42

¹³Rome akem aware anyimo we wahaka uhana a aragaro in zame immawus, sa upiit u ani mel u inde usuro u Urshalima.

¹⁴Wa zin nu gamara ace ce awe me usuwo imum be saya kem.

¹⁵Ba icuku no innuguna, sawa zin nu gamara me nan nu igizome. Ba Yeso in nicee nume ma ē ma mu in tanu nan we.

¹⁶Aje awe medakat inka avee ni Yeso ba.

¹⁷Yeso magun we, “Iboo nyari ugani ya sa ihaka?” Wat onno ahira me inti puru tibit.

¹⁸Uye anyimo awe, unaniza kiliyobas, makabirka me, “Humani unume cas sama raa Urshalima mesa tame imumbe sa yakem abirkome atiye tiginome ba?”

¹⁹Yeso magun we, “Tiya timu mum?” Wa kabirka, “Timumum usoro uyeso uba Nazaret, igebe sa una kadura mani unaka tuma kadan dang nan aguran ahira Asere nan na nu.

²⁰Kasi anaka tuma kadang ka Asere nan ana tigomo wa witi me barki awekime tize uhana iwono agankirka me.

²¹Taā inko iruba uguna memani madi buri ma Israila. Ire adumo igino me a name tiye titaru daati sa imum igino me yakem.

²²Akaa nime, are anee sa tizi nanwe wawuza imumu ira, sa cukuno i caume usuro in sisizo.

²³Sa daki wakem nipum numemba, ē in nu guna we cangi wa ira tiroō tibe ikadura ka Asere igebe sa ya gun we mavengije.

²⁴Are ahana aruma sati zini go me wadusa icau me, wakem me ni kasi ubuka anee me. Dakki wa ira me ba.

²⁵Yeso magun we, “Shi anu ani ba bana nan na nu uzatu hem in ni mumbe sa ana katuna ka Asere wa buka.

²⁶Dakki ya cukuna gbas masi i jas ati mumun tiginome, maribe a nyimo atigono tume?”

²⁷U suro utuba me Musa uhana ana katuma ka Asere, Yeso matuba we vat dodu sa izi ani ce nume u vat unyiti.

²⁸Sa wa hana mamu nan nagiro me, ahiraa sa wa hakani, Yeso mawu kasi madi akku we.

²⁹Wume gbas, innu guna, “Cukuno nan haru, u wunjuro wa anye mamu uwui wamara”. Ba Yeso madusa maka cukuno nan we.

³⁰Yakem agi, sama cukuno nan we barki mari imumare, ba ma ziki ubreedi, ma ringarka uni, mapusi, bama nyawe.

³¹Abini me aje aweme apokino, sawa ru same, ba ma hunne me aje awe.

³²Wa gun na ce-ce we, daki muruba muru macunnome ba, sa ma zin tize nan haru una, sa ma poko duru unyitike ugomo Asere.

³³Wahiri uganiya uginome, bawaku ri a Urshalima. Wakem anu kirau innu inde nigome, nande sa wazi ni gome.

³⁴Ya cukuno, gbas ugomo Asere mahiri, mapoki nice nume ahira Simon.

³⁵Ba wabuki imumbe saya kem we u na, kasi sa abezi we Yeso sama pusi uborodi.

³⁶Sa wazin nu bo imum iginome, ba Yeso matonno atti awe, bama gunwe, gaja ushi.

³⁷Wa wu huū wa myin can biyau, wa'basa wa ira imoli.

³⁸Yeso magun we, barki nyanini izin ma aye? Barki nyani ya wuna u igi zo u suso iruba shi me?

³⁹Ira tari tum nan tibuna tum, mimani in sisi im. Darani mi i iri. Iyenne bibe bizome inni pum nan na ubo, kasi gusa ira inzini.

⁴⁰Sama buka anime, bama beziwe tari tume me nan tibuna tumeme.

⁴¹Sa myinci na puru arum, inni mu in ibiyau, Yeso magun we, izin ni mumare?

⁴²Ba wa nyame icere hu.