ལཱུཀཿ 24:13-42

¹³ཏསྨིནྣེཝ དིནེ དྭཽ ཤིཡྻཽ ཡིརཱུཤཱལམཤྩཏུཥྐྲོཤཱནྟརིཏམ྄ ཨིམྨཱཡུགྲཱམཾ གཙྪནྟཽ

¹⁴ཏཱསཱཾ གྷཊནཱནཱཾ ཀཐཱམཀཐཡཏཱཾ

¹⁵ཏཡོརཱལཱཔཝིཙཱརཡོཿ ཀཱལེ ཡཱིཤུརཱགཏྱ ཏཱབྷྱཱཾ སཧ ཛགཱམ

¹⁶ཀིནྟུ ཡཐཱ ཏཽ ཏཾ ན པརིཙིནུཏསྟདརྠཾ ཏཡོ རྡྲྀཥྚིཿ སཾརུདྡྷཱ།

¹⁷ས ཏཽ པྲྀཥྚཝཱན྄ ཡུཝཱཾ ཝིཥཎྞཽ ཀིཾ ཝིཙཱརཡནྟཽ གཙྪཐཿ?

¹⁸ཏཏསྟཡོཿ ཀླིཡཔཱནཱམཱ པྲཏྱུཝཱཙ ཡིརཱུཤཱལམཔུརེ྅དྷུནཱ ཡཱནྱགྷཊནྟ ཏྭཾ ཀེཝལཝིདེཤཱི ཀིཾ ཏདྭྲྀཏྟཱནྟཾ ན ཛཱནཱསི?

¹⁹ས པཔྲཙྪ ཀཱ གྷཊནཱཿ? ཏདཱ ཏཽ ཝཀྟུམཱརེབྷཱཏེ ཡཱིཤུནཱམཱ ཡོ ནཱསརཏཱིཡོ བྷཝིཥྱདྭཱདཱི ཨཱིཤྭརསྱ མཱནུཥཱཎཱཉྩ སཱཀྵཱཏ྄ ཝཱཀྱེ ཀརྨྨཎི ཙ ཤཀྟིམཱནཱསཱིཏ྄

²⁰ཏམ྄ ཨསྨཱཀཾ པྲདྷཱནཡཱཛཀཱ ཝིཙཱརཀཱཤྩ ཀེནཱཔི པྲཀཱརེཎ ཀྲུཤེ ཝིདྡྷྭཱ ཏསྱ པྲཱཎཱནནཱཤཡན྄ ཏདཱིཡཱ གྷཊནཱཿ;

²¹ཀིནྟུ ཡ ཨིསྲཱཡེལཱིཡལོཀཱན྄ ཨུདྡྷཱརཡིཥྱཏི ས ཨེཝཱཡམ྄ ཨིཏྱཱཤཱསྨཱབྷིཿ ཀྲྀཏཱ། ཏདྱཐཱ ཏཐཱསྟུ ཏསྱཱ གྷཊནཱཡཱ ཨདྱ དིནཏྲཡཾ གཏཾ།

²²ཨདྷིཀནྟྭསྨཱཀཾ སངྒིནཱིནཱཾ ཀིཡཏྶྟྲཱིཎཱཾ མུཁེབྷྱོ྅སམྦྷཝཝཱཀྱམིདཾ ཤྲུཏཾ;

²³ཏཱཿ པྲཏྱཱུཥེ ཤྨཤཱནཾ གཏྭཱ ཏཏྲ ཏསྱ དེཧམ྄ ཨཔྲཱཔྱ ཝྱཱགྷུཊྱེཏྭཱ པྲོཀྟཝཏྱཿ སྭརྒཱིསདཱུཏཽ དྲྀཥྚཱཝསྨཱབྷིསྟཽ ཙཱཝཱདིཥྚཱཾ ས ཛཱིཝིཏཝཱན྄།

²⁴ཏཏོསྨཱཀཾ ཀཻཤྩིཏ྄ ཤྨཤཱནམགམྱཏ ཏེ྅པི སྟྲཱིཎཱཾ ཝཱཀྱཱནུརཱུཔཾ དྲྀཥྚཝནྟཿ ཀིནྟུ ཏཾ ནཱཔཤྱན྄།

²⁵ཏདཱ ས ཏཱཝུཝཱཙ, ཧེ ཨབོདྷཽ ཧེ བྷཝིཥྱདྭཱདིབྷིརུཀྟཝཱཀྱཾ པྲཏྱེཏུཾ ཝིལམྦམཱནཽ;

²⁶ཨེཏཏྶཪྻྭདུཿཁཾ བྷུཀྟྭཱ སྭབྷཱུཏིཔྲཱཔྟིཿ ཀིཾ ཁྲཱིཥྚསྱ ན ནྱཱཡྻཱ?

²⁷ཏཏཿ ས མཱུསཱགྲནྠམཱརབྷྱ སཪྻྭབྷཝིཥྱདྭཱདིནཱཾ སཪྻྭཤཱསྟྲེ སྭསྨིན྄ ལིཁིཏཱཁྱཱནཱབྷིཔྲཱཡཾ བོདྷཡཱམཱས།

²⁸ཨཐ གམྱགྲཱམཱབྷྱརྞཾ པྲཱཔྱ ཏེནཱགྲེ གམནལཀྵཎེ དརྴིཏེ

²⁹ཏཽ སཱདྷཡིཏྭཱཝདཏཱཾ སཧཱཝཱབྷྱཱཾ ཏིཥྛ དིནེ གཏེ སཏི རཱཏྲིརབྷཱུཏ྄; ཏཏཿ ས ཏཱབྷྱཱཾ སཱརྡྡྷཾ སྠཱཏུཾ གྲྀཧཾ ཡཡཽ།

³⁰པཤྩཱདྦྷོཛནོཔཝེཤཀཱལེ ས པཱུཔཾ གྲྀཧཱིཏྭཱ ཨཱིཤྭརགུཎཱན྄ ཛགཱད ཏཉྩ བྷཾཀྟྭཱ ཏཱབྷྱཱཾ དདཽ།

³¹ཏདཱ ཏཡོ རྡྲྀཥྚཽ པྲསནྣཱཡཱཾ ཏཾ པྲཏྱབྷིཛྙཏུཿ ཀིནྟུ ས ཏཡོཿ སཱཀྵཱདནྟརྡདྷེ།

³²ཏཏསྟཽ མིཐོབྷིདྷཱཏུམ྄ ཨཱརབྡྷཝནྟཽ གམནཀཱལེ ཡདཱ ཀཐཱམཀཐཡཏ྄ ཤཱསྟྲཱརྠཉྩབོདྷཡཏ྄ ཏདཱཝཡོ རྦུདྡྷིཿ ཀིཾ ན པྲཱཛྭལཏ྄?

³³ཏཽ ཏཏྐྵཎཱདུཏྠཱཡ ཡིརཱུཤཱལམཔུརཾ པྲཏྱཱཡཡཏུཿ, ཏཏྶྠཱནེ ཤིཥྱཱཎཱམ྄ ཨེཀཱདཤཱནཱཾ སངྒིནཱཉྩ དརྴནཾ ཛཱཏཾ།

³⁴ཏེ པྲོཙུཿ པྲབྷུརུདཏིཥྛད྄ ཨིཏི སཏྱཾ ཤིམོནེ དརྴནམདཱཙྩ།

³⁵ཏཏཿ པཐཿ སཪྻྭགྷཊནཱཡཱཿ པཱུཔབྷཉྫནེན ཏཏྤརིཙཡསྱ ཙ སཪྻྭཝྲྀཏྟཱནྟཾ ཏཽ ཝཀྟུམཱརེབྷཱཏེ།

³⁶ཨིཏྠཾ ཏེ པརསྤརཾ ཝདནྟི ཏཏྐཱལེ ཡཱིཤུཿ སྭཡཾ ཏེཥཱཾ མདྷྱ པྲོཏྠཡ ཡུཥྨཱཀཾ ཀལྱཱཎཾ བྷཱུཡཱད྄ ཨིཏྱུཝཱཙ,

³⁷ཀིནྟུ བྷཱུཏཾ པཤྱཱམ ཨིཏྱནུམཱཡ ཏེ སམུདྭིཝིཛིརེ ཏྲེཥུཤྩ།

³⁸ས ཨུཝཱཙ, ཀུཏོ དུཿཁིཏཱ བྷཝཐ? ཡུཥྨཱཀཾ མནཿསུ སནྡེཧ ཨུདེཏི ཙ ཀུཏཿ?

³⁹ཨེཥོཧཾ, མམ ཀརཽ པཤྱཏ ཝརཾ སྤྲྀཥྚྭཱ པཤྱཏ, མམ ཡཱདྲྀཤཱནི པཤྱཐ ཏཱདྲྀཤཱནི བྷཱུཏསྱ མཱཾསཱསྠཱིནི ན སནྟི།

⁴⁰ཨིཏྱུཀྟྭཱ ས ཧསྟཔཱདཱན྄ དརྴཡཱམཱས།

⁴¹ཏེ྅སམྦྷཝཾ ཛྙཱཏྭཱ སཱནནྡཱ ན པྲཏྱཡན྄། ཏཏཿ ས ཏཱན྄ པཔྲཙྪ, ཨཏྲ ཡུཥྨཱཀཾ སམཱིཔེ ཁཱདྱཾ ཀིཉྩིདསྟི?

⁴²ཏཏསྟེ ཀིཡདྡགྡྷམཏྶྱཾ མདྷུ ཙ དདུཿ