Uluka 1:1-13

¹Anu gbardang waa wuzi u inko iriba u nyettke u timum sa taa myinca anyimo aru.

²Kasi anime sa wa nyan duru, an deba sa wa tari ajeni, we ana kadura wani.

³Barki anime ani mi ma, sa ma gunguzuno memerum timum ti riri ti tuba sa mi ma nyettiki i inde hu unu udandang Tiyofilos.

⁴Bati irusi kadere ki mum besa abezizi shi.

⁵Anyimo a tiye ti Hiridus, Ugomo wa Yahudawa, ure una katuma ka Asere ma rani niza ni meme zakariya, masuri u watu u Abija. Une umeme ma suri anikura ni Haruna mani, niza ni meme naa zi Alisabatu.

⁶Vat uwe ana biyyau bi Ugomo Asere wani, anu tarsa u inso u tize ta Asere.

⁷Ani me waa zin vana ba, barki sa Alisabatu ma kem uyoo ba vat uwe waa mu una.

⁸Yaa cukuno sa Zakariya ma raa ahira Asere ma zinu cira ukatuma ka kadura kage sa a nya me.

⁹Kasi sa aka zauka debe sa madi hang kadura me, aka zauka a nyimo zauka barki katuma ku Ugomo Asere barki upunsa umucungo.

¹⁰Vat ni ori na nabu wadi wuzi biringara amatara ingi azin nu punsa umucungo.

¹¹Aname Bibe bi kadura ka Asere ba eh me bi tonno a tari ti nare ta hira u agadi ahira upunsa u wito unice.

¹²Sa Zakariya ma iri me ma wu zabot biyau bi meki me.

¹³Ani me bibe bi kadura ka Asere bi gun me, “Kati u kunna biyau ba, Zakariya, barki a kunna biringara bi we me. une uwe me madi yoo vana adi nya me niza Yuhana.