Tinata Valavalar 30:23-33

²³A milmilikuan na vavina ba dir taulai ma ra tutana, Ma ra tultul na vavina ba i kia vue kana tadar vavina.

²⁴A ivat na magit dia ikilik ta ra rakarakan a gunagunan, Ma dia kabinana tuna:

²⁵A umana rumi vakir dia dekdek, Ma ga dia varurue ra adia magit ta ra kilala na keake;

²⁶A umana mang dia bilua ka, Ma ga dia pait ra kubakuba i diat ta ra lavur vat;

²⁷A umana kubau pa kadia ta king, Ma ga dia vana rikai da ra umana loko na tarai na vinarubu;

²⁸Ra kupkup pa i dekdek upi una vatur vake, Ma ga i kiki ta ra kuba i ra umana king.

²⁹A utul a magit dital vanavana da ra luluai, A ivat dia pa na luluai:

³⁰A leon i lia kakit ta ra lavur leing, Ma pa i tur are ta ra na;

³¹Ra loko na kakaruk; ra me, a tomotoina; ma ra king ba i lue ra tarai na vinarubu.

³²Ona u ga lunga ma ra malamala luluai, Ba ona u ga nuk pa ra kaina magit, Una paum bat ra ngiem.

³³Tago ba di guaguan ra polo na u, na bira; Ma ba di bing ra bibilau, i gap; Damana ba di guaguar ra kankan, a varngangar i arikai.