Tinata Valavalar 22:1-29

¹A bo na iang i ngatngat ta dir ma ra ngala na tabarikik, Ma ba di manane dat i boina ta dital ma ra silva ma ra goled.

²A umana uviana ma ra umana luveana dia varvarkuvo, Ma ra Luluai i ga pait diat par.

³A tena kabinana i gire ra kaina ma i parau, Ma ra umana papaua dia bolabolo vanavana ka, ma i tup diat.

⁴Ba tikai i ki vovovon ma i ru ra Luluai, di vapuak ia Ma ra ngala na tabarikik, ma ra variru, ma ra bo na nilaun.

⁵A umana kait ma ra umana kun dia tur bat ra nga kai ra tena vana rara; Nina i balaure ra tulungeana na ki vailik kan diat.

⁶Una tovotovo ra bul ure ra nga ba na vanavana tana, Ma ba i patuana pa na vana kan ia.

⁷A uviana i kure ra luveana, Ma ra tena kinakang i tultul pire nina i ga la tar ia.

⁸Nina ba i vaume ra kaina mangamangana na varurue ra varmonong, Ma kana virit na kankan na bilua.

⁹Nina ba i matana varmari na ti doan, Tago i tabar ra umana luveana ma ra ana magit na nian.

¹⁰Una okole vue ra tena varkulumai, ma ra varngangar na irop bula, Ma ra varpuapuai ma ra varvul dir a ngo.

¹¹Nina ba i manane ra gomgom na bala, Ma i kalakalami kana tinata, dir a talaina ma ra king.

¹²A mata i ra Luluai i vaale bat nina i kabinana, Ma i pukue vapurpuruan ra tinata kai ra tena vavagu.

¹³A tena talanguan i biti: Tika na leon i ki ra pia! Kan da ubu iau na nga!

¹⁴A ngie i ra enana vavina i da ra ngala na tung; Nina ba ra Luluai i kankanuane na bura tar tana.

¹⁵A mangamangana papaua i ki ta ra nuknuk i ra bul, Ma ra virit na vartovo na korot vavailik vue kan ia.

¹⁶Nina i ki taun ra umana luveana upi na vangala kana tabarikik, Ma nina ba i tabar ra umana uviana, na ki na niiba boko.

¹⁷A talingam uti, ma una valongore ra lavur tinata kai ra umana tena kabinana, Ma ra balam na ongor upi kaugu minatoto.

¹⁸Tago a magit na gugu ba u kodop vake diat ta ra balam, Ba dia ki na vaninara ta ra bul na ngiem.

¹⁹Gori iau tar vaarike diat piram iat, Upi una nurnur tai ra Luluai.

²⁰Dave, pa iau ga tutumu piram naria, Ure ra varvateten ma ra minatoto,

²¹Upi ina vakabara tuna u ta ra dovot na tinata, Upi una talil ma ra dovot na tinata tadav diat dia ga tulue u?

²²Koko una long pa ra magit kai ra luveana, tago i luveana, Ma koko una ki taun ra biaui ta ra mataniolo;

²³Tago ra Luluai na tata maravut dir ta ra varkurai, Ma na ra vue ra nilaun kadiat dia ra varpa pire diat.

²⁴Koko amur a talaina ma ra lup kankan, Ma koko amur a varait ma ra balakadik,

²⁵Kan una laure kana mangamangana, Ma una papa ta ra kun.

²⁶Koko tikai ta diat dia vavalima, Ba ta diat dia tur kia ure ra umana dinau.

²⁷Tago ona pa u vung ta magit ba una ga bali ia me, Ta ra ava na tak vue kaum vava u va tana?

²⁸Koko una kari vue ra vat na langun amana tana, Nina a umana tamam dia ga vatur ia.

²⁹Ea, u gire tika na tutana i melem ta kauna papalum? Na tur boko ta ra luaina mata i ra umana king; Pa na toratorom ta ra tarai vakuku ka.