Soũↄ 72:1-19

¹Salomↄↄ lɛ. Lua, ǹ n iko kpa kíawa, ǹ n maakɛ kpa kíabuipiwa,

²kɛ́ aà dↄaa n gbɛ̃́ↄnɛ a zɛ́wa, i yã́gↄ̃gↄ̃ táaaↄnɛ a zɛ́wa,

³gbɛ̀sĩsĩↄ i mↄ gbɛ̃́ↄnɛ ń aafiao, sĩ̀sĩↄnaↄ i to aaↄ ku nama guu.

⁴Kía a to yã́ bↄ ń táaaↄ na, a taaside nɛ́ↄ suaba, i gbãamↄnɛdeↄ wíwi.

⁵Aↄ ku lá ĩatɛ̃ ìↄ ku gↄↄpiiwa, lán mↄvua kua wɛ̃ ń wɛ̃owa.

⁶Aↄ dɛ lán zuↄ louwa, lán mↄ̀sɛ pↄ́ ì pisi tↄↄlɛwawa.

⁷Gbɛ̃maaↄ ↄta aà gↄↄ, nama a kɛ zài e mↄ gɛ midɛò.

⁸A kible za ísialɛ la ń a lɛ́leo, za Uflata e dṹnia lɛ́wa.

⁹Bui pↄ́ kú guwaiwaiuↄ mↄ kúlɛɛ̀, aà ibɛɛↄ wúlɛ ń gbɛɛu aà aɛ.

¹⁰Taasisi ń ísia baa kíaↄ falubↄɛ̀, Seba ń Saba kíaↄ mↄ gbadaɛ̀.

¹¹Kíaↄ mↄ kúlɛɛ̀ ḿpii, bui píi a misiilɛɛ̀.

¹²Asa a wɛ̃nade pↄ́ an wii dↄↄ bↄɛ, a taaside pↄ́ dↄnlɛde vĩoↄ misi.

¹³A yɛ̃̀ɛɛsaideↄ wɛ̃nagwa, a taasideↄ bↄ ga lɛ́zĩ.

¹⁴A ń bↄ gbãamↄnɛdeↄ ń gbɛ̃́ pãsĩↄ ↄzĩ, asa an kua bɛɛɛ vĩɛ̀.

¹⁵Lua kía dↄ̃ ń aafiao! Wiↄ aà gba Seba bùsu vua, wiↄ wabikɛɛ̀ Luawa gↄↄpii, wiↄ samaa'oɛ̀ láasai.

¹⁶Bua pↄ́ↄ kɛ aà bùsuu maamaa, a láↄ aↄ da sĩ̀sĩↄ musu síii, aa nɛ'i aa pia lán Libã lákpɛwa, aa gbã lán kàsapuwa sɛ̃saou.

¹⁷Aà tↄ́ aↄ ku gↄↄpii lán ĩatɛ̃waɛ, bui píi a báaa e aà sabai, aai aà tↄnasi.

¹⁸Wà Dii Lua, Isailiↄ Lua sáaukpa! Ɔ̃mɛ ì yãbↄnsaɛↄ kɛ ado.

¹⁹Wàↄ Lua gawidepi tↄbↄ gↄↄpii, aà gawi i li dṹniaa píi. Ãmi! Ãmi!