La Bu 72:1-19

¹Vo Pathen nang’in nangaisang thutan dihna chu lengpa hinpe jing’in, chule na chonphatna chu lengpa chapa hinpe tan.

²Na mite chung’a thu adih intansah in; genthei lengvaite jongaphalam achan dingdol chang jingu hen.

³Molsang dung hon jong mijouse ding’in haodohna sodohsah hen chule thinglhang in jong gaphasodohsah hen.

⁴Genthei lengvaite panhusah inlang alhasamho chate huhdoh henchule misu-gentheite chu sumangjeng hen.

⁵Vanlai jol’a nisa le lha avahjinglaise’n tonsot in amahon nangmanaging jing’u hen.

⁶Lengpa chu amite lah a go’nleiset chung achapnou bang’inhamdongho tobang amite chapnouhen.

⁷Ahinkho lhumkeijin chonphatnahinkho chepi jing hen. Chule lha’nvah aneilaisen khangtou jing hen.

⁸Alenggam in twikhanglen khata kon’in twikhanglen langkhathoppha hen lang chule Euphratevadung’akon’inleisetmonglangkhat gei hop hen.

⁹Neldigam a ganchaching mite’nchibai aboh diu ahi; amelmate jongamasang a um nen le boh lah a chunlhu cheh unte.

¹⁰Tarshish le gamlatah a chenglhumlam lengte’n kai hin peuhen. Sheba le Seba a kon solam lengte’nkipa thilpeh hinchoiju hen.

¹¹Leng jouse a ang’a kun’untinnamtin vaipi alhacha hung pangdi’u ahi.

¹²Aman genthei lengvaite chuakom’a atao teng’uleh hin huhdohintin, min abolgenthei panpi beihochu ahinpanhu ding ahi.

¹³Aman milhasamte neilouteakhoto’a ahin huhdoh ding ahi.

¹⁴Pumhat a kibol thohgimna noija umho chu alhatdoh ding ahi, ajeh chu aman amaho chu alainatpi ding ahi.

¹⁵Lengpa chu hingsot hen! Shebasana chu ama kipe hen, amite’ntaopeh jing’u hen chule nilhumkeiin phatthei boh uhen.

¹⁶Agamsung’uva chang-le-mimnengchethen, thinglhangvumgeiyin chang-le-mim kehdoh hen. Theiganathingphungho jong Lebanon thingphungho bang’in kehdimset’u hen. Chule mipite jonghamphung phat bang’in hinhoi u hen.

¹⁷Tonsot in lengpa minthang hen, nisa asat laisen chejom jing hen. Namtin vaipi amajeh in phattheichang’u hen.

¹⁸Pakai Pathen Israel Pathen chuthangvah in um hen Amabouvinthilkidang aboldoh thei ahi.

¹⁹Amin loupi chu tonsot inthangvah in umhen! Vannoi leisethi ama loupina dimset hen, Amen, Amen!