يَبُرَ 72:1-19

¹سُلٍمَنِ فبٍ عَلَ، عِ شَ عَ نِيَ مَنفّ شَ كِيتِ تِنشِنشِ سَ. عِ شَ تِنشِنيِ شَ لُ مَنفّ شَ دِ دّ عِ.

²نَ كُي عَ شَ عِ شَ حَمَ مَكِيتِ نْندِ رَ، عَ شَ تِنشِن تْورْ مِشِيٍ بّ.

³مَسٍنيِ شَ تِ فٍيَيٍ قَرِ، حَمَ بْحّ سَشِ رَ، شِبَارُي شَ يٍنسٍن بْشِ مَ، تِنشِنيِ نَن حَمَ يَمَرِ مَ.

⁴مَنفّ شَ سّرِيّ رَبَ تْورْ مِشِيٍ بّ، عَ شَ سٍتَرٍ شَ دِيٍ رَكِسِ، عَ شَ عٍ فٍرٍقَيٍ رَيٍنسٍن.

⁵مِشِيٍ شَ فَاشُ عِ يَ رَ عَبَدَن، دَنمِ سٌفٍ نُن كِكٍ يَنبَمَ.

⁶مَنفّ شَ لُ عَلْ تُنّ نَشَن بِرَ مَ شّيٍ مَ، نَشَن بْشِ رَقَنمَ.

⁷تِنشِنتْي شَ قٍ قَنمَ نَ وَشَتِ نّ، دَنمِ كِكٍ يَنبَمَ، بْحّسَ فبٌمَ نّ.

⁸عَ شَ مَنفّيَ فبٌمَ نّ، سَ قْلْ سٌفٍتٍدٍ هَن عَ سَ دْشْ سٌفٍفٌرٌدٍ رَ، عَ قْلْ عٍقِرَتِ شُرٍ مَ هَن سَ دْشْ بْشِ دَنيِ رَ.

⁹مِشِ نَشٍيٍ نَ وُلَ عِ، عٍ شِنبِ سِنمَ نّ عَ بُن مَ، عَ يَشُييٍ لُ عَ سَنيِ بُن مَ.

¹⁰تَرَ سِسِ مَنفّيٍ نُن سُرِ مَنفّيٍ قَمَ نّ بُحَيٍ رَ. سٍيبَ نُن سٍبَ مَنفّيٍ قَن دُوتِ قِمَ نّ عَ مَ.

¹¹مَنفّ بِرِن عٍ شِنبِ سِنمَ نّ عَ بُن مَ، سِيٍ بِرِن لُ عَ شَ يَامَرِ بُن مَ.

¹²نَ كُي سٍتَرٍيٍ قَمَ نّ عَ شِلِدٍ مَرَكِسِمَ. عَ مِسِكِينّ سّنبّتَرٍ مَلِمَ نّ.

¹³عَ كِنِكِنِمَ نّ سّنبّتَرٍيٍ نُن سٍتَرٍيٍ مَ، عَ تْورْ مِشِيٍ رَكِسِ.

¹⁴عَ عٍ شْرّيَمَ نّ مَءِقُي نُن قٍ كٌبِيٍ مَ، بَرِ مَ عٍ قِندِشِ عَ شَنُنتٍنيِيٍ نَن نَ.

¹⁵عَ شَ مَنفّيَ شَ بُ! عَ سٍيبَ بْشِ شَ شّيمَ سْتْمَ نّ. مِشِيٍ شَ عَلَ مَشَندِ عَ بّ تّمُي بِرِن، عٍ نَشَ تَفَن دُبَدٍ عَ بّ.

¹⁶عَلَ دٌنسٍ يِرِوَ مَ نّ بْشِ كُي. فٍيَيٍ رَقٍمَ نّ سَنسِيٍ رَ، عٍ بٌفِيٍ لُ عَلْ سَنسِ بٌفِ نَشٍيٍ نَ لِبَن. مِشِيٍ فبٌمَ نّ تَا كُي عَلْ بْشِ سّشّ.

¹⁷مَنفّ عَلَ شِلِ فبٌ عَبَدَن! دَن مُ نَ عَ شِلِ مَ سٌفٍ بُن مَ. سِ بِرِن بَرَكّ سْتْمَ نّ عَ سَابُي رَ، عٍ قَ عَ مَتْشْ.

¹⁸عِسِرَيِلَ مَرِفِ عَلَتَلَ تَنتُ. عَ كٍرٍن نَن كَابَنَكٌي رَبَمَ.

¹⁹عَ شِلِ شُنفبٍ شَ تَنتُ عَبَدَن. دُنِحَ بِرِن شَ عَ شَ بِنيّ كٌلٌن. عَمِنَ! عَمِنَ!