Samu 16

1

2

8

14

15

16

19

22

23

24

27

32

33

34

37

40

42

43

46

47

49

51

63

65

67

69

72

73

80

84

87

89

90

91

93

95

96

100

103

104

105

107

110

115

116

118

119

121

122

124

126

127

130

132

137

139

145

148

150

¹Anatumi namba kyawa lete nyere lao suu pyapala epelyo dokona embame kyawa yaki nyii napipi.

²Nambame Kamongo lamaiyuo, Emba nambana Kamongo. Nambana bange peparae keyange silyamo dupwa emba keta iki epenge lao karo.

³Kamongona yulu yaki nyii nao pyakamingi wambu dupwa ama keyange wakasa. Namba nakama pipya karo dokopa rae wakasa mailyu.

⁴Nakama lapo anatu wakale lakando pelyaminyi dokome nakama range keta randa malu sukusa nyilyaminyi. Nakamana mena pyao kiso maingi dokonape namba opetae pii naro. Nakamana anatu dupwa namba lakanda naroko.

⁵Emba iki nambana Kamongo ingyuo karene. Mendale daa. Embame namba yano pipyamo dupwa joo karene. Namba rengyana nyera dupwa embame minyaro karene.

⁶Embame bange elyape wakasa dupwa namba mee jiinyi dupwa ama keyange wakasa ingilyamo.

⁷Kamongo dokome namba kata lasaka pilyamo dokona lao baa lakandelyo. Kukwa dokopa doko kyaiŋi lao repe repe pii ingyuo langilyamo.

⁸Yuu peparae Kamongo doko namba role pyao karapyamo doko soo karo. Baa repeta karamo dokona namba walu lao kara naro.

⁹Dopa pipyamo dokome namba rae maingi rengepe mona pyakalyuo pingi rengepe palyuo simbwalyamo. Namba embena kame dokona epo mona kare kare karo.

¹⁰Rengedoko embame namba kumunginya porai renge doko neta nembo kyawa minyilini. Embame mendali mona retenge doko wambu kumasi palenge dokona nemba nangepya.

¹¹Embame kata pao lete pandana penge doko namba lasaka piri. Emba yuu peparae namba repeta karene dokome rae mainyi nembapyasa mona pyakalyuo pyao karalu kararo ingilyamo.