SALMOS 9:3-8

³Nocualancaitacahua cholojtehuase. Huetzise mictoque moixpa.

⁴Pampa ta tiquinpanextilijtoc masehualme para niitztoc xitahuac moixpa. Titenextilijtoc para nijchijtoc cati cuali. Timosehuijtoc ipan mosiyaj cati cuajcualtzi huan titetajtolsencahua xitahuac.

⁵Tiquinajhuas nochi masehualme ipan nochi talme cati amo mitzneltocaj. Tiquintzontamiltis nochi inijuanti cati amo cuajcualme. Tiquixpolos inintoca para nochipa.

⁶Nocualancaitacahua miquise, huan inihuaya polihuise nochi inialtepehua. Pampa ta tiquintamitasosolos huan amo teno mocahuas. Amo aqui quinelnamiquis.

⁷Pero TOTECO tanahuatis para nochipa. Yaya mosehuía ipan isiyaj cati cuajcualtzi nepa ilhuicac huan tetajtolsencahua. Cati yaya quichihua, ya nopa xitahuac.

⁸Toteco quintajtolsencahuas xitahuac nochi talme ipan taltipacti huan inimasehualhua. Yaya quintatzacuiltis sese inijuanti quej quinamiqui por nopa tajtacoli cati quichijtoque.