SALMOS 99:3-7

³Nochi ma quihueyichihuaca Toteco, yaya cati hueyi huan temajmati. San ya nelía tatzejtzeloltic.

⁴Toteco yaya se tanahuatijquet cati quipiya nochi chicahualisti, huan quipactía tetajtolsencahuas xitahuac. Nochi cati quichihua senquisa cuali. Yaya quinchihuilijtoc cati xitahuac nochi israelitame.

⁵¡Ma tijhueyitalica TOTECO, yaya toDios, yaya cati tatzejtzeloltic! Ma timotancuaquetzaca huan ma timoixtapachoca hasta talchi iicxita, pampa san yaya tatzejtzeloltic.

⁶Quema nopa totajtzitzi Moisés huan Aarón, huan nopa tajtolpanextijquet Samuel, quitzajtziliyayaj TOTECO para quitajtanise itapalehuil, yaya quinnanquiliyaya.

⁷Toteco quincamanalhui ipan se mixti, huan inijuanti quichijque nochi cati quiijto icamanal huan itanahuatilhua. Quena, inijuanti quichijque nochi cati quinilhui ma quichihuaca.