Salmo 99:3-7

³Edeliǥen sikandin te menge etew su mekeǥeǥehem wey egkein-inuwan sikandin. Waǥas sikandin!

⁴Mekeǥeǥehem sikandin he Hadì, ne zekelà diyà te ǥehinawa zin is hustu he kukuman. Wazè din ibpelavi ke edhukum sikandin, ne metazeng wey hustu is ebeelan din diyà te Israel.

⁵Deliǥa is Nengazen he Megbevayè tew. Ezapa niw sikandin diyà te valey zin. Waǥas sikandin!

⁶Si Moises wey si Aaron, dezuwa sikandan duen te menge memumuhat din dengan, ne si Samuel, sevaha sikandin duen te mid-ampù diyà te kandin. Nengumew-umew sikandan kandin ne midtavak din sikandan.

⁷Nekidlalag sikandin kandan hein diyà sikandin te mekepal he ǥapun; ne midtuman dan is menge penurù din wey menge sulunuzen he imbeǥey zin kandan.