SALMOS 97:4-11

⁴Nopa tapetanilot cati yaya quititani quitaahuilía nochi taltipacti. Huan ni taltipacti huihuipica quema quiita.

⁵Nochi tepeme atiyaj quej cera iixpa TOTECO cati iaxca nochi taltipacti.

⁶Ilhuicacti tayolmelahua para Toteco xitahuac tetajtolsencahua. Huan nochi taltipacti quiita ihueyitilis.

⁷Ma pinahuaca nochi cati quinhueyichihuaj teteyome, huan nochi cati mohueyimatij ica inintaixcopincayohua cati amo teno ininpati. Nochi sequinoc ten amojuanti cati masehualme amechtocaxtía “andioses” ximotancuaquetzaca iixpa Toteco.

⁸TOTECO, nopa altepet Jerusalén huan nochi altepeme ipan tali Judá quipiyaj paquilisti ica motamachtil.

⁹Pampa ta, tiTOTECO, tijnahuatía nochi taltipacti, huan más tihueyi que nochi sequinoc dioses.

¹⁰TOTECO quinicnelía nochi cati quicualancaitaj cati amo cuali. Quinmocuitahuía imasehualhua huan quinchololtía inimaco taixpanoca masehualme.

¹¹Cati xitahuac ininemilis nemij ipan itaahuil Toteco, huan cati cuali iniyolo quipantíaj paquilisti.