SALMOS 97:4-11

⁴Yes wzió' chie' ka' žsa'ní'gaken yežlyó. Yežlyó nga ẕḻe'elen, na' žẕon'.

⁵Želángak ya'a ka' ka china' bez ḻaw X̱anžon', ḻaw X̱angak benne' ka' nníta'gake' dot yežlyó nga.

⁶Ẕḻoe'e ḻaw ya'abá da' chawe' chie', na' benne' yógo'te yež ẕḻé'egekle' yeḻa' ẕen chie'.

⁷Yedoé'egekle benne' ka' ẕka'n ẕéngake' lo'a ka', benne' ka' ẕka'n ẕen kwíngake' ni'a chegak lo'a ka' chégake'. Yógo'te dios chegak benne' ka' wzóa ẕíbgaken ḻaw X̱anžo Dios.

⁸Béngekle benne' ka' nníta'gake' yež Sión, na' bebégekle'. Bebégekle benne' ka' nníta'gake' yežlyó Judá, ni'a che da' bchi'a ḻažo'o Le', X̱anto' Dios.

⁹Ẕente nako' Le', X̱anto' Dios, ḻawle dot yežlyó. Ẕenže nako' Le' ka yógo'te dios chegak benách ka'.

¹⁰Nol-le ḻe'e nží'ilele X̱anžon', le ža'a da' ẕinnj. Ḻe' žape chi'e yeḻa' nban chegak benne' chie' ka'. Žeslé' ḻégake' ḻo na'gak benne' wen da' ẕinnj ka'.

¹¹Yeḻa' baní' chie' zóaḻenen benne' chawe' ka', na' yeḻa' žebele chie' zóaḻenen benne' ḻi ḻaže' ka'.