SALMOS 96:1-7

¹Nochi cati anitztoque ipan taltipacti, xihuicaca para TOTECO. Quena, xihuicaca se huicat yancuic.

²Ma tijhuicatica TOTECO por nochi cati quichijtoc. Ma tijpaquilismacaca huan ma tijtascamatica por nochi cati techchihuilijtoc. Huan mojmosta ma titepohuilica para yaya temaquixtía.

³Ipan nochi taltipacti ma titepohuilica ihueyitilis huan nochi tamanti cuajcualtzi cati quichijtoc. Huan nochi masehualme ma tiquinpohuilica nopa huejhueyi tamanti cati yaya quichihua.

⁴Pampa TOTECO nelía tahuel hueyi huan quinamiqui ma tijhueyimatica. San yaya nelía temajmati huan ne sequinoc cati masehualme quintocaxtíaj dioses, amo.

⁵Pampa nochi nopa dioses cati quinhueyichihuaj ipan sequinoc talme, amo teno ininpati. Inijuanti san elij teteyome cati masehualme quinchijchijtoque. Pero TOTECO yaya quichijchijqui ilhuicacti.

⁶Campa itztoc Toteco senquisa onca itatanex huan temitoc ica ihueyitilis. Huan ipan itiopa onca ichicahualis huan iyejyejca.

⁷Nochi anmasehualme ten nochi taltipacti, xitepohuilica para san TOTECO quipiya chicahualisti huan san yaya hueyi.