GWAY GI IDAWUU’D 96:1-7

¹Ayy, yuḵi gway e Tap̱a gway jin ta jin this mo, yuḵi gway e Tap̱a mo aris ’kwaniny’ceshi ’baar mo.

²Yuḵi gway e Tap̱a mo, dhali ’bori gway piti mii mo, ṯori gwo gom bway mowoṯẖ piti ’pena tee itana tee mo.

³Bahi monycam piti e bwaman kal gi ’kwaniny’cesh mo, dhali miim piti kun miina a’di ki momer e bwaman ma ris ’kwani mo.

⁴Haali/ Tap̱a a’di caaca mo, dhali ki nyanye/ mo tani a’di iminu taḵ mo. A’di iminu ḵo/ mo ap̱owa risa rum p̱inyconi ’baar mo.

⁵Haali/ arisa rum p̱inycon gi ’kwani mo tani uni ta tomp̱inycon kun luŋa ’kwani mo. Hili Tap̱a a’di uḵki momis mo.

⁶Montaḵ dhali mo jin eḵa/ eḵ uni ’koni bwambori a’di mo, mom’bi’th dhali monyjarom piti uni ’kon e mom piti jin ḵogu mo.

⁷C̱iki Tap̱a monyca mo, ayy um uc̱i gi ’kwani mo, c̱iki Tap̱a monyca mo dhali mom’bi’th is mo.