SALMOS 94:2-11

²Ximotanana huan xijtatzacuilti ni tali. Nochi cati mohueyimatij xiquintatzacuilti quej quinamiqui.

³TOTECO, ¿hasta quema tamis tatanise huan mopaquilismacase nopa masehualme cati amo aqui quitepanitaj?

⁴¿Hasta quema tamis tetaijilhuise huan mohueyimatise nopa tajtacolchijca masehualme?

⁵TOTECO, inijuanti tahuel quintaijyohuiltíaj huan quintequipacholmacaj momasehualhua cati tiquinicnelía.

⁶Inijuanti quinmictíaj sihuame icnotzitzi cati ehuani ipan sequinoc altepeme huan cati icnotzitzi.

⁷Huan quiijtohuaj para ta, TOTECO, amo tiquita, yon amo timomaca cuenta. Quej nopa quiijtohuaj ten ta cati tiiTeco tohuejcapan tata Jacob.

⁸Amojuanti cati anhuihuitique ten ni masehualme, xijmachilica. ¿Hasta quema anquitequihuise amotalnamiquilis para antamachilise?

⁹Toteco quichijchijqui tonacashua, huajca ¿anmoilhuíaj para amo quicaquis cati anquiijtohuaj? Yaya quichijchijqui toixteyol, huajca ¿anmoilhuíaj para amo quiita cati anquichihuaj?

¹⁰Yaya quintatzacuiltía masehualme ipan nochi talme, ¿anmoilhuíaj amo amechtatzacuiltis nojquiya? Yaya quimati nochi cati pano, huan ¿anmoilhuíaj amo quimati taya anquichihuaj?

¹¹TOTECO quiixmati inintalnamiquilis masehualme huan quimati para san moilhuíaj tamanti cati amo cuali.