SALMOS 91:7-16

⁷Wak gatgak to mil benne' ka' kwito' le', na' chi mil benne' ka' gawze gan zo', san bi be sako'o le'.

⁸Wio', na' ḻe'elo' da' ẕia da' gaken chegak benne' wen da' ẕinnj ka'.

⁹Wẕi'o X̱anžo Dios, na' žx̱en ḻažo'o Ḻe', na' Dios, Bennen' nape' dot yeḻa' wak, wkache' chawe'e le'.

¹⁰Che ḻen bi be da' ẕia gak bi da' gonen chio', na' bi cho'o nitó yižwé' ližo'.

¹¹Dios seḻe'e wbás che ya'abá chie' ka' nich gákḻengake' le', na' gape chí'igake' le' gáte'teze gan chejo'.

¹²Góx̱wgake' le' ḻo ná'gake' nich bi gon to yej ni'o we'.

¹³Wlejkzo' bež yix̱e' ka', na' beḻe ka', bež yix̱e' sníaḻe'e ka', na' bia snia ka'.

¹⁴Ẕnna Dios: “Yeslá' yógo'te benne' ka' zej nži'ile' neda', na' wkache' chawa'a benne' ka' žechébgake' naka' X̱ángake'.

¹⁵Kate' wḻížgake' neda', na' yecheba' chégake'. Kate' že' zédgekle', sóaḻenkza' ḻégake'. Yeslá' ḻégake', na' gapa' ḻégake' ba la'ne.

¹⁶Gona' ga sóagake' nbángake' yiz zante, na' yeslá' ḻégake'.”