Pisalem 91:7-16

⁷Dolomaa, nia daangada e mana gaa tinga gi lala i doo baahi guu mmade, e madangaholu mana dangada guu mmade i doo gili hagatau, gei goe hagalee lauwa.

⁸Goe gaa mmada ga gidee nia daangada huaidu ala ma ga hagaduadua.

⁹Goe guu hai Dimaadua go doo duuli, guu hai Dimaadua Aamua Muginua di abaaba ni oou.

¹⁰Deai di haingadaa e tale adu gi di goe ai, ge deai di hagaduadua e hanimoi gi hoohoo adu gi do guongo ai.

¹¹God ga dugu adu ana daangada di langi e madamada humalia i di goe, e abaaba goe i oo ala huogodoo ala e haele iei goe.

¹²Digaula ga daahi goe gi nua gi nadau lima gi dee tugi hua oo wae i nia hadugalaa.

¹³Goe ga dagadagahi nia laion mono gihaa, nia laion llamu dauwa mono gihaa poisin.

¹⁴Dimaadua ga helekai, “Au ga benebene digau ala e aloho i di Au, ge e abaaba digau ala e iloo ginaadou au bolo au go Yihowah.

¹⁵Digaula ma gaa gahi Au, gei Au gaa hila ang gi digaula. Digaula ma gaa tale gi di haingadaa, gei Au ga madalia digaula. Au ga benebene digaula mai gi daha, ga hagalaamua digaula.

¹⁶Au gaa dugu ang gi digaula gi mouli waalooloo. Au ga benebene digaula.”