Salmos 90:1-15

¹Xránantu' Dios, ba cua ba cua, Lue' nacu' ca tu xu'u naga zra cháwentu'.

²Nédxudaute̱ ca za gunu' xi'a zri'a ca', ne ca za sua xe̱zr la xu, ne bénneache, na' nédxudaute̱, ne lu da za za' nácaquezu' Lue' Dios.

³Dxu'u bénneache xelexaque̱' da gulaque̱', dxelexaque̱' xu xrte.

⁴Chiu' Lue' chi gaxúa iza zaj naca na ca neaje, da ba gudé na, ne ca tu chí'idau'ze chizrela.

⁵Dxegú' bénneache ca dxun guba'u, da dxua na xúgute̱ xizre laga ca'. Zaj naque̱' ca tu bchigala da dxexenite na gate dxexebandxu.

⁶Zaj naque̱' ca tu xixre' da dxegula na che zílala. Dxegula na, ne dxelá'te̱ na xiaj, na' xelate' zua gubizra dxelechugue̱' na, na' dxebizre na.

⁷Dxebía xi'ntu' lawe' da dxezra'u netu'. Sté̱bele̱'e̱ zúantu' lawe' da dxezrá'le̱'u netu'.

⁸Dxenna'u ca da cale̱la da nuntu'. Dxulé'enu' láwela zria da nabágantu'.

⁹Dxuzáchiu' iza chee̱ntu' lawe' da dxezra'u netu'. Dxelexedú iza chee̱ntu' ca tu be' da dxecá'antu'.

¹⁰Ca zaj naca zra naca bantu', zaj naca na ga xun chi iza, na' che nácantu' benne' wal-la, waca bantu' du tápalalaj iza, san ca zaj naca iza ca', dxedentu' xel-la' zi', ne dxéquentu' ze̱de. Chadí dxeledé iza ca', na' xenítentu'.

¹¹¿Nuzra núnbea xanne' ca naca xel-la' dxezrá'a chiu'? ¿Nuzra núnbea ca naca xel-la' xichaj zra'a chiu'?

¹²Ble'e netu' ca láteze zaj naca zra chee̱ntu' chee̱ gácantu' benne' dxeléajni'ine̱'.

¹³Xran, bexaca netu' tuze. ¿Bátadxa chenu'? Bexache lazre' netu', we̱n zrin chiu'.

¹⁴Tu tu zila bzua xichaj lázrdauntu' xel-la' zri'i lazre' chiu', na' dute̱ xel-la' dxebé tu gul-lazquezentu' chiu' xúgute̱ zra naca bantu'.

¹⁵Be̱nna netu' zane' iza chee̱ bentu' ca zaj naca iza bsaca zi'u netu', ne ca zaj naca iza guzúantu' lu da ste̱be.