SALMOS 83:1-4

¹¡Toteco Dios, amo san xitacacto, yon amo san xitachixto quema timotatajtíaj! Monequi technanquili huan techmanahui,

²pampa mocualancaitacahua tahuejchihuaj hasta quej nanalcaj huan mohueyimatij ica ta.

³Inijuanti tahuel quimatij quenicatza quitalise taquetzti ica momasehualhua. Huan quisencahuaj quenicatza quichihuase para quinmictise cati tiquintapejpenijtoc.

⁴Huan quiijtohuaj: “Ma tiyaca tiquinixpolotij nochi nopa israelitame para ayecmo ma elica se tali ica imasehualhua. Huan ayecmo aqui quielnamiquis itoca Israel.”