SALMOS 7:8-17

⁸Le', X̱ana' Dios, wchi'a ḻažo'o benne' yógo'te yež. Bchi'a ḻaže' neda' ka nak da' chawe' dan' bena', dan' bena' ḻo da' nak ḻi ḻaže' chia'.

⁹Bchinnj da' žongak benne' wen da' ẕinnj ka', san ben chawe' benne' chawe' ka', dan' nako' chawe', Dios, na' ẕwio' da' yo'o ḻo yichj ḻáẕdo'gak yógo'te benne' ka'.

¹⁰Dios na'kze žape chi'e neda'. Žeslé' benne' ka' zej nake' ḻi ḻaže'.

¹¹Nak chawe' ka ẕchi'a ḻaže' Dios da' žongak benne' ka'. Yógo'te ža ẕža'a Dios che da' žongak benne' wen da' ẕinnj ka'.

¹²Cha' bi yeyát ḻáže'gake' Dios kweje' ya ntoche' chie' ka'. Za' wsíe' yag ntóche'do' chie' ka'.

¹³Za' wkonle' žin ya chie' ka' che wdiḻe. Za' wsíe' yag ntóche'do' ka' zoa yi' ḻáwe'gaken.

¹⁴Benne' wen da' ẕinnj ẕkweze' da' ẕia da' gone'. Yo'o yichj ḻáẕda'we' da' ẕinnj da' gone', na' gone' da' wen ḻaže'.

¹⁵Ba bche'ne' to yežw gže' nich yéx̱jwgak benne' ka' ga na', san bex̱jwe' ḻekze' ḻo yežwn'.

¹⁶Da' ẕinnj da' bene' žesbaga'n ḻekze' ẕia, na' da' bsake'e benne' ka' yebí'i Dios chekze' ḻe'.

¹⁷Wká'n ẕena' X̱ana' Dios ni'a che da' chawe' da' žone' na' góḻteza' che La la'y che X̱ana' Dios, Benne' ẕente.