Psalms 7:8-17

⁸Gur e tapufthin rok urngin e girdi’. SOMOL, mu duwgiliy ni gu bfel’ ya gamnang ni bfel’ e rog;

⁹Gur e ga ba Got ko mat’aw, ma ga ma pufthinnag lanin’mad nge ar ar romad. Mu taleg e pi’in kireb ko ngongol nib kireb ma ga tow’athnag e pi’in ni bfel’.

¹⁰I Got e yoror rog; ma ayuweg e pi’in yad ma fol rok.

¹¹I Got e tapufthin nib mat’aw ma urngin ngiyal’ nma gechignag e pi’in kireb.

¹²Fa’anra dab ra thilyeged pangirad, ma bayi uthum Got e saydon rok. Ke tel e gat’ing rok ke fal’eg rogon ke tay;

¹³ke fek e pi talinecham rok nib yargel ke paluweg e pi gan e gat’ing rok ni be yik’.

¹⁴Amguy rogon nma leamnag e girdi’ ni kireb e tin tagan; yad ma tanomnag e oloboch miyad rin’ e sasalap.

¹⁵Machane pi wup ni kar ngongliyed ni fen yug boch e girdi’, e ku yad e yad be aw ngay.

¹⁶Ere gechig ko kireb rorad e ke aw ngorad ma wodmang rorad e be maad’ad ngorad.

¹⁷Gu be pining e magaer ngak SOMOL nga feni mat’aw; ma gu be tangnag feni sorok SOMOL ni Th’abi Tolang.