GWAY GI IDAWUU’D 7:8-17

⁸Tap̱a dwalli ’kwani gwo mo, dwalli aha/ gwo mo ayy Tap̱a, isi ki mii ma ḵar/em pem mo dhali isi ki gwo jin di’di aha/ jin dika/ ki mii ki ŋadhum mo.

⁹Ayy dhalki tonthus gi imanmii miinthus daḵu ka bwa i’ba/ mo ma, hili ṯeli /e imanmii ka ḵar/e sho’k mo, /e jin nyo/ki bwaŋ ’kwani mo dhali aduŋ ’kwani mo, /e jin tana Arumgimis jin ta’da ḵar/e mo.

¹⁰Agoŋgorom pem a’di di’d eya Arumgimis mo, a’di jin ta uni is ki me’d mo, uni kun dhelel ma du mo.

¹¹Arumgimis ta’da ḵar/e jin dwalli gwo mo, dhali Arumgimis jin deḵ ma nyor mo isa yempa/ mo.

¹²Waḵki/ wathi/ diki rica du is mo tani Arumgimis midi cil gandal piti ki ŋar ŋar mo. A’di ric̱ki’da shum bwam piti mo.

¹³A’di thosonki to gi mo/as piti gom mo gi ’koshuwa ’kosh mo, mmodhala thop̱a/ o’d piti me’d mo jin c̱a’bki wur wur mo.

¹⁴Hili mo mo ma, amanmii tonthus mo tani a’di bwaaki’da ris tonthus mo, dhali di’d ka ’ci ibwa mo jin ta’da pibi ka pibi mo, dhali a’di ki ḵala ṯor ka pije/ mo.

¹⁵A’di ki c̱wany jis mo tani dhali tor a’di ḵarash ka pije/ mo, dhali biṯi jis piti jin c̱wanykina a’di mo be.

¹⁶Mo ma pibim piti ṯu’kki’d e ’kup̱ pitiŋ gana/ mo, dhali mombujur piti thulu’d e bwaŋ ’kup̱ pitiŋ gana/ mo.

¹⁷Aha/ mina c̱i Tap̱a mo jin ’boruwa ’bor bwa i is mo jin ha me’d ki mo ma ḵar/em pitiŋ gana/ mo dhali aha/ mina yuḵ gway mmomaŋ gway gi Tap̱a mo, a’di jin Caa e ki Ca mo.