SALMOS 77:15-19

¹⁵Ica mohueyi chicahualis techmanahui, timomasehualhua cati tiiconehua Jacob huan José.

¹⁶Toteco Dios, nopa hueyi at cati itoca Chichiltic momajmati quema mitzitac. Huan huihuipicac hasta tatzinta campa más huejcata.

¹⁷Nopa mixti quichijqui ma huetzi at chicahuac. Huan tatomonqui nepa ilhuicac. Huan nojquiya tapetanqui ten se lado hasta seyoc.

¹⁸Caquistic tatomonilot ipan nopa hueyi ajcomalacat. Huan nopa tapetancayot quitaahuili nochi taltipacti, huan ni taltipacti huihuipicac.

¹⁹Tijchijqui se ojti quema tiquixcotonqui nopa hueyi at, pero amo aqui quipanti campa tijquetztiyajqui moicxi.