Buka Linge 77:15-19

¹⁵Ighoe to vavolara nimua na vure ma nimua na maana. na vinavahuhu tana kemadira Jacob ma Joseph.

¹⁶Ge o na tahina na horara sisi, te vaevanegho Ge mataghu na tahi oka te tabalili ge tatata.

¹⁷Na parako te kovala horui mai na uha, mana oka te nia tagumu. na viviha ragiragi, na viti te vitilaghinia na piuna na maramana.

¹⁸Nimua na viviha te tagumu mai loka ni ghuri, Na viti te bulua na maramana. Na pari te tatata me aleale.

¹⁹Ighoe to liu pota na tahi, mo sogha halavua na tahi oka mana marevomu te mua righia tua ahei.