SALMOS 77:12-20

¹²Wláb ḻaža'a ka nak yógo'te da' beno', na' wchaḻja' ka zej nak da' ka'.

¹³Dios, la'y nak da' ẕchi'lo' neto' gonto'. ¿Zoa yetó Dios nake' benne' ẕen ka nako' Le'?

¹⁴Le' nako' Dios, ẕnno' da' žonen ga žebanlto'. Bḻoe'elo' yógo'te benne' yežlyó nakḻe'e ẕen yeḻa' wak chio'.

¹⁵Ḻen yeḻa' wak chio' beya'wo' benne' chio' ka', ẕa'só Jakob ka', na' ẕa'só José ka'.

¹⁶Yegw nis ka' bḻé'egeklen Le', Dios. Bḻé'egekle yegw nis ka' Le', na' bžébeḻe'egaken. Ḻezka' wžé' zédgekle nisdo' gže' ka'.

¹⁷Nis yejw zil bžojen ḻo bejw gasj ka', na' wnneḻe'e wzió', na' wyasḻe'e yes wzión'.

¹⁸Ḻo be' bdone' wnneḻe'e wzió' chion'. Bza'ní' yes wzión' do ẕente yežlyó. Wẕo'ḻe'e, na' wẕize yežlyón'.

¹⁹Bsaljo' nez gachj ḻawle nisdo', na' ḻawe' nis zil ka' wdekzo' Le', san bi nak bia' gan blejo'.

²⁰Bchi'o benne' chio' ka' ka ẕila' ka' ḻo na' Moisés, na' ḻo na' Aarón.