SAM 77:12-20

¹²Nata sangabamu pasikuyakge natapasiwit. Gata puya kekeknga pasikuyak, ge nata iatdeat kuut natapit.

¹³Anutu, gatane yuyukga take siwan noman gan siknga. Sike anutu pupuknga tapatuat gaat ina unzakan dua. Gata anutu pupuknga waakwau asiknga yapbikuyak.

¹⁴Anutu, ga awia apatakan, sanga duya takngatu takngatu pasinggayak. Sike gata kekekngaka buyambam taknga aminu kepna kepna yukingu kuupbamde yeuyamunggayak.

¹⁵Gikane kekeknga waakngane amindabamu gatuka pakuyak. Sike wa pakuyau Jekopat gatu Josepatdane bapuna masan aakingunin pakuyak.

¹⁶Anutu, tupa yangga anga anga ganduke akgwauking. Gwauke yanggabam gwenu miamun sitakukut. Ngan, keu yanggabam amakatangu kutakngi komune yuaingu saasitakukut.

¹⁷Sike sopa enandangga buyambam siknga taawan gakngat gwekaa buyambam siknga kaapmapa yakut. Yaawan yapasik kaa kuwan apan kuupbam sikut.

¹⁸Gata tasiwi gakngat gwenu got taknga pinggu yemi dakngakutde banakan katang yakut. Sike yapasikga siwan kepna kepna kuupbam kakaa sikut. Siwan kepdaka ayamuyamu yuuk yukut.

¹⁹Gata yanggabam gwene banakan kukuyak. Ngan, gatane kepiapaka yanggabam gwende banakan yuak. Siwan ngana kepi tangga aminu tapatuta kananga dua singgak.

²⁰Siwan ga tupan kayuke kuwawi gatane amindabamda masan gawaking. Gata puya waaknga Moses kat gatu Aron katde yamukuyak, siwan waapaatda kakuya pasikumayak.