12गो इन पशो नेल्ल मिम्स ङा मिम्स बाक्नुङ। साइ ङोंइती ङा इन छक लाक्चा ङा गेय आ पर्बम मिम्नुङ।
13परमप्रभु, इन लां ठीक बाक्ब। आंइ परमप्रभु खोदेंशो ठेयब अरु तेको देवता बाक्बा ङा? प्रस्थान १५:११
14गे छक लाक्चा ङा गेय पाइब परमप्रभु बाक्नीनी। गे जात जात ङा मुर आन दातेमी इन सक्ति कोंइताक्नी।
15गे इन सक्तिमी इन मुर आन कली प्रोंइतीनी। गे याकूब, योसेफ नु आ चच युइ आन कली प्रोंइतीनी। ठेयब सेंदा पा।
16परमप्रभु, समुन्द्र ङा ब्वाक्कु इन कली तशा हिंतेक्म। शुश लुक्च लशो समुन्द्र ख्रिंख्रि पाप्तु।
17मिनु गोस्सुमी रेउ यिपाइक्तेक्म। सरीङ रे ठेयब बुंबु पाप्तु। इन चिला तेइ तेइ ब्रत।
18फश गिवारम इन बुंबु पशो नेंसाक्व। इन चिलामी रागी नेल्ल छेङछेङ दुम्त। रागी ख्रिंख्रि पा हिम्साक्व।
19इन लां समुन्द्र रे पा लशो बाक्त। इन गाक्शो लां ठेयब समुन्द्र आ दातेमी बाक्त। मो हना यो इन खोइलीम दिम्शो मारेइ मतांइसे। प्रस्थान १४:२१-३१
20मोसा नु हारून आस गुइ रे पा, गे इन मुर आन कली भेडा आन हुल खुल्शो खोदेंशो पा गाक्पाइक्तीनी” दे परमप्रभु कली लोव़ पता।