1Toteco Dios, ¿para ten techtahuelcajtoc para nochipa? ¿Para ten tahuel ticualani ica tojuanti cati tiitztoque quej timopilborregojhua?
2Xiquelnamiqui para tojuanti timomasehualhua cati timocohui huejcajquiya quema titetequipanohuayayaj san tapic. Quena, techtapejpeni para techchihuas timoaxcahua. Nojquiya tijtapejpeni nopa altepet Jerusalén para tijchihuas quej elisquía mochaj ipan ni taltipacti.
3Xihuala xiquitaqui quenicatza quitamisosolojtoque nopa altepet, huan xijtachili quenicatza tocualancaitacahua quisosolojtoque motiopa.
4Nopona tzajtzique mocualancaitacahua ica paquilisti quema tasosolojque. Teipa san techhuetzquilijque huan quinquetzque ininteteyohua para quinextise ya techtantoyaj.
5Hualajque ica inihachas huan huejhueyi martillos hasta nesiyaya quej cuajcuahuini tatajco cuatitamit.
6Huan ama ica ininteposhua quitapanque huan quisosolojtoque nochi tamanti cati ica tayejyecchijtoyaj motiopa.