SALMOS 74:1-6

¹Toteco Dios, ¿para tlen tinechtlahuelcajtoc para nochipa? ¿Para tlen tlahuel ticualani ica tojuanti tlen tiitztoque queja timopilborregojhua?

²Xiquilnamiqui para tojuanti timotlacajhua tlen timocohui huejcajquiya quema titlatequipanohuayayaj san tlapic. Quena, tinechtlapejpeni para titechchihuas timoaxcahua. Nojquiya tijtlapejpeni nopa altepetl Jerusalén para tijchihuas queja elisquía mochaj ipan ni tlaltepactli.

³Xihuala xiquitaqui queja quitlamixolejtoque nopa altepetl, huan xijtlachili quejatza tocualancaitacahua quixolejtoque motiopa.

⁴Nopano tzajtzique mocualancaitacahua ica paquilistli quema tlaxolehuayayaj. Teipa san techhuetzquilijque huan quinquetzque ininteteyohua para quinextise ya techtlanquejya.

⁵Hualajque ica ininhachas huan huejhueyi martillos hasta nesiyaya queja cuajcuahuini tlatlajco cuatitlamitl.

⁶Huan ama ica ininteposhua quitlapanque huan quixolejtoque nochi tlamantli tlen ica tlayejyecchijtoyaj motiopa.