SALMOS 66:5-12

⁵Xihualaca huan xiquitaquij nochi nopa huejhueyi tamanti cati Toteco Dios quichijtoc. ¡Quinchihuilijtoc masehualme huejhueyi tiochicahualnescayot!

⁶Quihuatzqui nopa at huan tatajco nopa hueyi at quitapo se ojti huactoc campa panoque tohuejcapan tatahua. ¡Nochi israelitame quipixque se hueyi paquilisti ipan nopa tonali!

⁷Toteco ica ichicahualis tanahuatía para nochipa. Yaya quitachilía sesen tamanti cati masehualme quichihuaj ipan nochi talme ipan taltipacti. Cati amo quitepanitaj huan cati mohueyimatij, yaya quinechcapantalis.

⁸Nochi anmasehualme xijtascamatica Toteco Dios huan xijhueyimatica, por nochi cati quichijtoc,

⁹pampa sesen ten tojuanti tonemilis eltoc imaco. Quena, yaya techmocuitahuijtoc huan techyacantoc xitahuac ipan toojhui.

¹⁰Pampa ta, tiToteco Dios, techyejyecojtoc huan techtapajpacchijtoc, quej nopa tepos plata cati quimoloníaj ipan tit cati tahuel totonic, para san mocahuas cati senquisa cuali.

¹¹Ta techmasilti ipan momata huan tijtali tocuitapa tamamali cati tahuel etic.

¹²Tijchijqui para nopa masehualme ten sequinoc talme ma moquejquetzaca topani ica cahuayojme. Tipanoque ipan at huan ipan tit. Pero ama techtiochijtoc huan techmacatoc nochi cati cuali.