Salmos 57:1-11

¹David, Saúl-idu akwasaila-ollo-yaba dukudigusgu, we-namaked narmaksad. Namakmalad-e-iduedga soglesad: We-namaked, Melle-obelogoye-nugad-namaklegeyobi, namakoye. Bab-Dummadye, wile be an-dake, Bab-Dummadye, wile be an-dake, ar begi an bensulid. Igi gannir e-sakan-urba na e-mimmigan odukue, deyobi, bonigan-berguedse, be an-odukue.

²Bab-Dummad-Bur-Biriginedse an binnasuli goled. We-Bab-Dummad angi nued binsamaidaed.

³Bab-Dummad, dule-an-isdarad-an-baregindiidgi-an-bendakega, e-gangued, nibneg-akar anse oyogoed. Bab-Dummad e-sabgued, e-igar-napiragwad anga oyomaid.

⁴Achumiguryobi, dulemar an-ebiris bukwamalad, dulemar an-obelobimalad. E-nugarmar, sigumaryobi, warsimaryobi, nanaed. E-gwabin, es-suid-datarmakaleyobi gued.

⁵Degi-inigwele, Bab-Dummad, bedi nibneggi maid. Be-gangued-yeerdakleged bela we-napneg-gani naid.

⁶An-iduar saki nasiksamalad. An-iduar yaa gwichamalad. Naibid-dummad anga uksamalad. Degi-inigwele, emar agi na dukin argwachamalad.

⁷Bab-Dummad, bega namakmalad-namakega, an-gwage guagwar naid.

⁸An wakudaryalaba gwisgudagoed. An atakalile, gar-arpa, gar-lira, an ogoloed.

⁹Bab-Dummad, neggweburmar-baigan-abargi be-nug an odummogoed, dulemar-baigan-abargi bega an namakoed.

¹⁰Ar be-sabgued dummarbasoggu, nibnegse warmaked. Be-ibmar-napira-soged nibnegse warmaked.

¹¹Bab-Dummad, bedi nibneggi maid. Be-gangued-yeerdakleged bela we-napneg-gani naid.