ܡܙܡܘܪ̈ܐ 57:1-11

¹ܪܲܚܸܡ ܥܲܠܝܼ، ܝܵܐ ܐܲܠܵܗܵܐ، ܪܲܚܸܡ ܥܲܠܝܼ، ܒܗ̇ܝ ܕܒܝܼܘܼܟ݂ ܒܸܫܩܵܠܵܐ ܝܠܵܗ̇ ܓܵܘܣܵܐ ܓܵܢܝܼ، ܘܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܒܸܬ ܫܵܩܠܹܢ ܓܵܘܣܵܐ، ܗܲܠܔ ܕܥܵܒ݂ܪܝܼ ܐܘܼܠܨܵܢܹ̈ܐ.

²ܒܸܬ ܩܵܪܹܝܢ ܠܐܲܠܵܗܵܐ ܥܸܠܵܝܵܐ، ܠܐܲܠܵܗܵܐ ܕܟܹܐ ܬܲܡܸܡ ܟܠܔ ܡܸܢܕܝܼ ܩܵܬ‌ܝܼ.

³ܒܸܬ ܫܲܕܸܪ ܡ̣ܢ ܫܡܲܝܵܐ ܘܦܲܪܸܩ ܠܝܼ، ܒܸܬ ܠܵܐܹܡ ܠܗ̇ܘ ܕܝܼܠܹܗ ܛܲܚܛܘܼܚܹܐ ܠܝܼ، ܣܹܠܵܗ ܒܸܬ ܫܲܕܸܪ ܐܲܠܵܗܵܐ ܛܲܝܒܘܼܬܹܗ ܘܫܲܪܝܼܪܘܼܬܹܗ.

⁴ܓܵܢܝܼ ܓܵܘܵܐ ܕܐܲܪ̈ܝܹܐ ܝܠܵܗ̇، ܟܹܐ ܕܵܡܟܹܢ ܓܵܘܵܐ ܕܢܘܼܪܹ̈ܐ ܠܵܗܝܵܢܹ̈ܐ، ܒܢܲܝ̈ܢܵܫܵܐ ܕܟܹܟܵܝ̈ܗ‌ܝ ܪܘܼܡܚܵܐ ܝܢܵܐ ܘܓܹܐܪܹ̈ܐ، ܘܠܸܫܵܢܵܝܗ‌ܝ ܣܲܝܦܵܐ ܚܲܪܝܼܦܵܐ.

⁵ܪܘܼܡ ܥܲܠܔ ܫܡܲܝܵܐ، ܝܵܐ ܐܲܠܵܗܵܐ، ܥܲܠܔ ܟܠܵܗ̇ ܐܲܪܥܵܐ ܗܵܘܹܐ ܐܝܼܩܵܪܘܼܟ݂.

⁶ܓܲܪܕܵܐ ܗܘܼܕܸܪܗܘܿܢ ܠܦܵܣܘܿܥܝܵܬ‌ܝܼ̈، ܟܝܼܦ ܠܵܗ̇ ܓܵܢܝܼ، ܚܦܝܼܪܗܘܿܢ ܓܘܼܒܵܐ ܒܐܘܼܪܚܝܼ، ܐܝܼܢܵܐ ܒܓܵܢܵܝܗ‌ܝ ܢܦܝܼܠܔ ܠܗܘܿܢ ܒܓܵܘܹܗ. ܣܹܠܵܗ

⁷ܡܩܵܘܝܵܢܵܐ ܝܠܹܗ ܠܸܒܝܼ، ܝܵܐ ܐܲܠܵܗܵܐ، ܡܩܵܘܝܵܢܵܐ ܝܠܹܗ ܠܸܒܝܼ، ܒܸܬ ܫܲܒܚܸܢ ܘܒܸܬ ܙܵܡܪܹܢ.

⁸ܪܥܘܿܫܝ، ܝܵܐ ܓܵܢܝܼ! ܪܥܘܿܫܝ، ܩܝܼܬܵܪܵܐ ܘܟܸܢܵܪܵܐ! ܒܸܬ ܡܲܪܥܸܫܸܢ ܠܨܲܦܪܵܐ.

⁹ܒܸܬ ܫܲܟܪܸܢܘܼܟ݂ ܓܵܘ ܥܲܡܡܹ̈ܐ، ܝܵܐ ܡܵܪܝܵܐ، ܒܸܬ ܙܵܡܪܹܢ ܐܸܠܘܼܟ݂ ܓܵܘ ܐܸܡܘܵܬܹ̈‌ܐ،

¹⁰ܒܗ̇ܝ ܕܓܘܼܪܬܵ‌ܐ ܝܠܵܗ̇ ܗܲܠܔ ܫܡܲܝܵܐ ܛܲܝܒܘܼܬܘܼܟ݂، ܘܗܲܠܔ ܥܢܵܢܹ̈ܐ ܫܲܪܝܼܪܘܼܬܘܼܟ݂.

¹¹ܪܘܼܡ ܥܲܠܔ ܫܡܲܝܵܐ، ܝܵܐ ܐܲܠܵܗܵܐ، ܥܲܠܔ ܟܠܵܗ̇ ܐܲܪܥܵܐ ܗܵܘܹܐ ܐܝܼܩܵܪܘܼܟ݂.