Psalm 57:1-11

¹Psalm lal David, Tukun el Kaing lukel Saul in Luf se Pakomutuk, O God, pakomutuk, Tuh nga tuku nu yurum in moulla. Ye lulin poum nga konauk misla Nwe ke pacl se paka lun ma koluk uh wanginla.

²Nga pang nu sin God, El Su Fulatlana, Su ase mwe enenu luk nukewa.

³El ac fah topukyu inkusrao me ac moliyula; El ac fah kutangulosla su akkeokyeyu. God El ac fah akkalemye nu sik lungse kawil ac oaru lal.

⁴Mwet lokoalok elos rauniyula. Elos oana lion su mongo mwet. Wihselos oana osra in fakfuk ac sukan pisr; Lohulos kosroh oana cutlass.

⁵O God, akkalemye fulat lom yen engyeng uh, Ac wolana lom fin faclu nufon.

⁶Mwet lokoalok luk elos oakiya sie mwe kwasrip in sruokyu; Fosrnga apinyula. Elos pukanak sie luf inkanek luk, Tusruktu elos sifacna putatyang nu loac.

⁷Arulana pulaik insiuk, O God; Nga fah on ac kaksakin kom!

⁸Ngutalik, O ngunik! Ngutalik, harp ac lyre nutik! Nga ac fah okasak faht uh.

⁹Nga fah sot kulo nu sum, O Leum, inmasrlon mutunfacl uh. Nga fah kaksakin kom inmasrlon mwet uh.

¹⁰Lungse kawil lom sun inkusrao, Ac oaru lom sun pukunyeng uh.

¹¹O God, akkalemye fulat lom yen engyeng uh, Ac wolana lom fin faclu nufon.