SALMOS 52:7-9

⁷“Xiquitaca cati ipantic ne masehuali cati amo quitepanita Toteco Dios. San motemachi ipan itomi huan nochi tamanti pajpatiyo cati yaya quipiya, huan quichijtinenqui cati amo cuali.”

⁸Pero na cuali niijcatoc quej se olivo cuahuit, huan Toteco nechyahualohua para nechmocuitahuis. Na nimotemachía ipan Toteco para yaya ma nechtasojta nochipa.

⁹NoTeco Dios, na nochipa nimitztascamatis por nochi nopa cuali tamanti cati tijchijtoc. Huan san ipan ta nimochiyas para techtasojtas, pampa nochi quimatij para ta nelía tijpiya hueyi moyolo ica cati moaxcahua.