Godigo Nogi Ugwaba Sabo Tęąbi Po Wabo Buku Dabe 52:7-9

⁷“Suao. Te bidi te Godigo aga tau sabo homu wei isiąyu, te aga dąų me walobeo. Agai te aga mone, me doado bage hauwade teba homu munama, tama aga homugo te dwai kolesagago aga bugagia bidimainu ilaibao, te homu yali,” te po waibao.

⁸Tiali goli, eno te tiwai me ebeo. Ena te Godigo be pąde elalubo ni oliv tiwai dao. Eno konealubo homu Godiba munama, te Godigo olo tau sabo wiegi yai kolesaga te sesemane bidada peyu, bidada pabo sogo te enaba te kolesaga emainu ebo dao.

⁹God, nago ena tau sali, tama tiyu, eno sesemane sogo nageba usu da weyu, gedu haluasa po wabo dao. Tama te nago we bidi dabego gedude te eno nago nogi ugwaba siyu, tama eno te po waibao, “Godigo te wiegi yai kolesaga enaba ebo da,” po waibao.